Entra na Historia...
Abrimos aquí as páxinas que queren expresar a actividade de Amigos dos Museos de Galicia. Colectivo pioneiro, cunha historia que sobrepasa o cuarto de século, manifesta na súa actividade ininterrumpida arredor do patrimonio cultural de Galicia. Onde Amizade significa compartir ilusións, coñecementos, tempo e uns escenarios nos que se conservan, mostran e estudan aspectos moi diferentes, tanto da actividade do ser humano, como del o do seu contexto, son as institucións dos Museos. Namentres que o punto de partida, de ida e volta é Galicia, país de extremo occidente, fisterran, que abriu portos e camiños para conformar unha cultura singular e solidaria que enriquece o universo. Tradicións, creatividade, ciencia, relacións permanentes co mundo, pero tamén ante os retos do noso tempo, uniformización e globalización consumista. Saber sentir, enxergar, sair da casa, entrar na Historia, adentrarse nas obras do tempo, no hoxe, é o soporte dos fins dos Amigos dos Museos de Galicia. Colectivo aberto a todos, a todas as idades, profesións e sensibilidades.
Canto aquí se di, materialízase no espazo de cultura ´Portas Ártabras´,espazo de cultura de Amigos dos Museos de Galicia no corazón da Cidade Vella coruñesa e tras o ábside da Colexiata de Santa María: equilibrio entre innovación e tradición, actividade permanente e as xeiras ó ancho e longo de Galicia e do mundo, espallando outra forma de sentir, de auodescubrirnos e descubrir canto nos arrodea. Tentando sempre fender cos esquemas consumistas que tentan reducirnos a productos de supermercado. Aquí estamos. Benvidos pois.
Enderezo:
Amigos dos Museos de Galicia
´Portas Ártabras´
Rúa Sinagoga 22 Baixo (Cidade Vella)
15001 A Coruña - Galiza - España
Información e contacto:
Teléfono: 00 34 981 21 01 01
Fax: 981 21 01 01
E-mail: correo@amigosmuseosgalicia.org
Web:www.amigosmuseosgalicia.org
Sede social:
O noso local social recibe o nome de ´Portas Ártabras´. Podes atoparnos aquí no horario:
* Luns a Vernes: de 19:00 a 21:00 horas
* Sábados: de 12:00 a 14:00 horas
_________________________________________________________________
|
Portas ártabras
 |
Actividades
.jpg) |
Viaxes
.jpg) |
| Colaboradores e patrocinadores |
|
|
|
.jpg)
